Qańtar oqıǵasy kezinde urlanǵan 268 qarý-jaraq tabyldy - UQK

ASTANA. QazAqparat - Qańtar men sáýir aralyǵynda Ulttyq qaýipsizdik komıteti polıtsııa organdarymen birge prokýratýranyń úılestirýimen zańsyz qarý aınalymyndaǵy qarýdy izdestirý jáne tárkileý boıynsha, onyń ishinde Qańtar oqıǵasy kezinde urlanǵan qarýǵa qatysty birqatar jedel-izdestirý is-sharalaryn júrgizdi, dep habarlaıdy QazAqparat.

Nátıjesinde Qazaqstannyń 11 aımaǵynda 268 qarý, onyń ishinde 38 «Kalashnıkov» avtomaty, 126 myltyq, 104 tapansha, 21 granata, 4 jarylǵysh qurylǵy, túrli kalıbrli 30 199 oq-dáriler, sonymen qatar brondy keýdeshe, qorǵanysh dýlyǵasy, qol-kisender, avtomat oqjatarlary, qalqandar men radıostantsııalar tárkilendi.

Jedel qyzmetkerler jasyrylǵan qarý men oq-dáriniń negizgi bóligin myna óńirlerden tapty:

Almatyda – 4, Baıqońyrda – 1, Qostanaıda – 1, Semeıde – 1, Óskemende – 1, Aqtóbede – 1, Almaty oblysynda – 3, Jambyl oblysynda – 4, Jetisý oblysynda – 2, Pavlodar oblysynda – 1, Soltústik Qazaqstan oblysynda – 3.

Budan basqa, buryn habarlaǵanymyzdaı Almaty qalasynda qarýdyń zańsyz aınalymymen iri kólemde aınalysyp kelgen qylmystyq top áreketiniń joly kesildi.

Atalǵan fakt boıynsha sotqa deıingi tergeý júrip jatyr. Zańsyz aınalymdaǵy qarýdy izdeý men tárkileý jalǵasýda.