Qańtar oqıǵasy kezinde oq tıgen sarbazǵa orden tabystaldy

ÓSKEMEN. QazAqparat –Qańtar oqıǵasy kezinde Shyǵys Qazaqstan oblysynda aıaǵyna oq tıgen sarbazǵa orden tabystaldy, dep habarlaıdy QazAqparat tilshisi.

Qazaqstan Respýblıkasy Prezıdentiniń Jarlyǵymen 5511 áskerı bóliminiń serjanty Muhtar Úsenov ІІ dárejeli «Aıbyn» ordenimen nagradtaldy. Mundaı joǵary dárejeli marapatty QR Іshki ister mınıstrliginiń orynbasary – Ulttyq ulan Bas qolbasshysy Erkin Botaqanov tabys etti.

«Muhtar Úsenov qańtar oqıǵasy kezinde qoǵamdyq tártipti qamtamasyz etý maqsatynda qolyna qarý alyp alańǵa shyqqandardyń biri. Onyń aıaǵyna oq tıgen. Jaralanǵan sarbaz aýrýhanaǵa túsip, em-dom qabyldap shyqty», - dedi Ulttyq ulan «Shyǵys» óńirlik qolbasshylyǵy baspasóz qyzmetiniń bastyǵy Baǵdat Amangeldi.

Qańtar oqıǵasyndaǵy jappaı tártipsizdik kezinde oblys boıynsha 19 sarbaz jaraqat alǵan. Onyń segizi – Óskemen qalasynda.