Qańtar oqıǵasy kezinde qylmyskerlerdiń qolynda 1 myńnan astam qarý bolǵan

ASTANA. QazAqparat - Qańtar oqıǵasy kezinde qylmyskerlerdiń qolynda 1 myńnan astam qarý bolǵan. Bul týraly Májilistiń jalpy otyrysynda QR Іshki ister mınıstri Marat Ahmetjanov aıtty, dep habarlaıdy QazAqparat tilshisi.

Mınıstr 5 qańtar kúni biraz qarý qoldy bolǵanyn atap ótti.

«Almatyda 5 qańtar kúni tústen keıin oryn alǵan tártipsizdikter odan da órshı tústi, shabýyldardyń uıymdastyrylǵan sıpaty aıqyn kórindi. Qala boıynsha 3 polıtsııa basqarmasyna jasalǵan shabýyldardan basqa, qylmyskerler qarý-jaraq dúkenderine shabýyl jasap, nátıjesinde 1 440 birlik qarý urlandy (onyń ishinde 539 birlik – myltyq, 813 birlik – tegis uńǵyly, 88 birlik – jaraqattaýshy qarý). Bul qarý birden ABB jáne PD jasalǵan jańa shabýyldar barysynda qoldanyldy», - dep atap ótti ol.

Odan bólek, vedomstvo basshysy jalpy qansha qarý men oq-dári urlanǵanyn atap ótti.

«Jalpy, elimiz boıynsha qylmyskerler 2 960 qarý-jaraq pen shamamen 63 myń oq-dárini urlap ketken. Qazirgi ýaqytta olardy izdeý qarqyndy júrgizilip jatyr. qylmystyq is aıasyndaǵy jedel izdestirý is-sharasy barysynda 200-den astam qoıma joıyldy. Olardan 4 160 qarý-jaraq pen 57 myń oq-dári tabyldy. Búginde 964 qarý-jaraq qańtar oqıǵasy kezinde urlanǵany anyqtaldy», - dedi mınıstr.

Marat Ahmetjanovtyń dereginshe, 3 196 qarý-jaraq, onyń ishinde 7 granatomet, 1 pýlemet boıynsha tekserý júrgizilip jatyr.

«Osylaısha, qylmyskerlerdiń qolynda 1 myńnan astam krımınaldyq qarý-jaraq bolǵan. Shabýyldaýshylar oldardy qoldanýdy josparlaǵan», - dedi ol.