Qańtar oqıǵasy kezinde 3,5 myń quqyq qorǵaý organdarynyń qyzmetkeri jaraqat aldy
«Tártipsizdik kezinde shabýyl jasaǵandardyń sany birneshe ese kóp bolýynan quqyq qorǵaý organdarynyń qyzmetkerleri agressııany toqtata almady. Ózderińiz kadrlardan kórgendeı, 18-20 jastaǵy polıtseıler men sarbazdardy qatygezdikpen soqqyǵa jyqty. Kúsh qurylym qyzmetkerleri arasynda 3,5 myńǵa jýyǵy jaraqat aldy nemese sol kúnderi jaraqattanǵandardyń 80 paıyzy quqyq qorǵaý organdaryna tıesili», - B. Asylov.
Osy oraıda sol kezdiń ózinde tártipsizdikke qatysqandarǵa kúsh qoldanylmaǵanyn aıtty.
«Osy jaǵdaıda polıtsııa qyzmetkerleri, Ulttyq ulan men Qarýly Kúshterdiń áskerı qyzmetshileri sońyna deıin zorlyq-zombylyqty tejeýge tyrysyp, atys qarýyn qoldanbady», - dedi Bas prokýror.
Onyń sózine qaraǵanda, quqyq qorǵaý organdarynyń qyzmetkerleri rezeńke oq pen kózden jas aǵyzatyn gazdy jáne basqa da arnaıy quraldardy paıdalandy.
«Muny tártipsizdikke qatysqandar álsizdik retinde kórip, toptar joǵary ekpinmen qyzmetkerlerge shabýyl jasady, ıaǵnı atys qarýy men basqa da zattardy qoldandy», - dedi Bas prokýror.
