Qańtar oqıǵasy: QazUÝ rektorynyń ulyn atyp óltirgen áskerı qyzmetkerge sot úkimi shyqty

ALMATY. QazAqparat – Almaty garnızonynyń áskerı sotynda qarý qoldaný arqyly bılikti jáne qyzmettik ókilettiligin asyra paıdalaný boıynsha aıyptalǵan sottalýshyǵa qatysty qylmystyq is qaraldy, dep habarlaıdy QazAqparat tilshisi.

Anyqtalǵanyndaı, 2022 jyly 6 qańtarda sottalýshy M. Almaty qalasynda tótenshe jaǵdaı kezinde, qoǵamdyq qaýipsizdikti qamtamasyz etý úshin 18404 áskerı bóliminen tartylǵan. Sottalýshy «Respýblıka» alańy mańyndaǵy baǵdarshamda turǵan «Lexus 570» markaly avtokólikke avtomattan birneshe oq atyp, kólik júrgizýshisi qaza tapty.

Bul aýyr qylmystar sanatyna jatady jáne ol úshin 5 jyldan 7 jylǵa deıin bas bostandyǵynan aıyrý jazasy qarastyrylǵan.

«Jasalǵan qylmystyń sıpaty men qoǵamdyq qaýiptilik dárejesin eskere otyryp, sottalýshyǵa 6 jyl 6 aıǵa bas bostandyǵynan aıyrý jazasy taǵaıyndaldy», - dep habarlady Almaty garnızonynyń áskerı sotynan.

Úkim zańdy kúshine engen joq.

Aıta keteıik, ál-Farabı atyndaǵy Qazaq ulttyq ýnıversıtetiniń rektory Janseıit Túımebaevtyń uly byltyr qańtardaǵy búlik kezinde qaza tapqan edi.