Qańtar oqıǵasy qarýly qaqtyǵystar ǵana emes – Elvıra Ázimova
«20 jyldan astam ýaqyt buryn Birikken Ulttar Uıymynyń Qaýipsizdik keńesiniń «Áıelder, beıbitshilik jáne qaýipsizdik» atty jahandyq kún tártibindegi jańa baǵytqa arnalǵan qarary qabyldandy. Qazaqstannyń atyna osy qarardy iske asyrý boıynsha jeke jospar qabyldaý týraly usynymdar baıaǵyda aıtyldy. Biraq bul bizden alys másele dep qabyldaǵanymyzdy túsiný kerek. Bul tek el aýmaǵynda qarýly nemese qarýsyz qaqtyǵystardyń bolýy nemese bolmaýy ǵana emes, sonymen qatar yqtımal jaǵdaılardyń aldyn alý úshin tıisti sharalar qoldaný kerek degen sóz», - dedi Elvıra Ázimova jýrnalısterge bergen suhbatynda.
Adam quqyqtary jónindegi ýákil qańtardaǵy oqıǵalar qarýly qaqtyǵystar boıynsha ǵana emes, tótenshe jaǵdaılarǵa baılanysty janjaldar qateri bar ekenin kórsetkenin aıtady.
«Biz bul termındi tehnogendik jáne tabıǵı quldyraý jaǵdaıyn bildiretin termın retinde qabyldaýǵa daǵdylanǵanbyz. Biraq, shyn máninde, biz kórgen tártipsizdikter qaıǵyly saldarǵa ákeldi. Biz osy ýaqytqa deıin áleýmettik jelilerde jáne BAQ-ta belgili bir oqıǵalardyń rezonansyn kórip, baqylap otyrmyz. Árıne, tergeý jalǵasýda, biraq biz qazirdiń ózinde qandaı sharalar qabyldaý kerektigi týraly aıtýymyz kerek», - dedi Elvıra Ázimova.
