Qańtar oqıǵasy: Kámeletke tolmaǵan 9 kúdiktige qatysty qylmystyq is tergelip bitti
Májilis depýtaty Erlan Smaıylov Іshki ister mınıstrligine qańtar oqıǵasy boıynsha qýdalaý orbıtasyna alynǵan kámeletke tolmaǵan kúdiktilerdiń taǵdyry týraly suraq qoıdy.
«Búginde Іshki ister organdarynyń óndirisinde kámeletke tolmaǵan tulǵalarǵa qatysty ister boıynsha 12 kúdikti bar. Olardyń báriniń bultartpaý sharalary bas bostandyǵyn shekteýmen baılanysty emes. Onyń ishinde sizderdiń ótinishterińiz boıynsha da bultartpaý sharalary ózgertildi.
Bizdiń memlekettiń qylmystyq saıasatynyń tujyrymdamasynda eki vektorly damý joly bar. Biz asa aýyr jáne aýyr qylmys jasaǵandarǵa qatysty bultartpaý sharalaryn qatańdatý boıynsha túzetýler engizgenbiz. Al bas bostandyǵynan aıyrmaı túzep alýǵa bolatyndarǵa qatysty sharalardy krımınalsyzdandyrý, gýmanızatsııalaý sharalary qolǵa alyndy. Sondyqtan bizdiń memlekettiń tujyrymdamasy boıynsha bas bostandyǵynan aıyrý oryndarynda shynymen qoǵamǵa qaýip tónidretinder otyrýy kerek», - dedi Іshki ister mınıstri.
Onyń málimeti boıynsha, atalǵan 12 kúdiktiniń 3-ne qatysty qylmystyq is áli tergelip jatyr.
«Olardyń jeke basyn eskerip, kámeletke tolmaǵanyn eskerip, istegenderine ókinetinin, keltirilgen shyǵyndardy ótegenin eskerip, erkindigin shekteýmen baılanysy joq bultartpaý sharalary qabyldandy. 9 kúdikti boıynsha qylmystyq is tergelip bitti. Olar qazir sotta. Ol jerde obektıvti baǵa beriledi. 3 kúdiktige qatysty is áli óndiriste. Búginde bizdiń óndirisimizde kámeleket tolmaǵandar qamaýda otyrǵan joq», - dedi Marat Ahmetjanov.
