Qańtar oqıǵasy – Eki aıda tabylǵan qarý-jaraq boıynsha málimet usynyldy
«Zańsyz aınalymnan barlyǵy 61 qarý, 13 granata jáne 1170 oq-dári tárkilendi. Atalǵan faktiler boıynsha sotqa deıingi tergeý amaldary júrgizilip jatyr», - delingen QR UQK málimetinde.
Atap aıtqanda:
- Almaty oblysynda «Baıkal» tapanshasy, 2 myltyq, 10 granata jáne ártúrli kalıbrli 104 oq jasyrylǵan oryn tabyldy.
- Jappaı tártipsizdikke qatysýshylardan 3 birlik qarý men 109 oq-dári tárkilendi.
- «Makarov» tapanshasyn satý kezinde óńirdiń qylmystyq ókili ustaldy. Onyń turǵylyqty jeri boıynsha «qańtar oqıǵasy» kezinde Taldyqorǵan qalalyq polıtsııa basqarmasynan urlanǵan taǵy bir tapansha tárkilendi.
- Almaty qalasynda jappaı tártipsizdikke qatysýshylardy, sonyń ishinde Prezıdent rezıdentsııasyna shabýyl jasaǵandardy ustaý barysynda «Glok» markaly tapansha men 29 oq, tegis uńǵyly 3 myltyq tárkilendi.
- Tergeýdegi «Qazaqstandyq» uıymdasqan qylmystyq toptyń músheleri óz erkimen 39 birlik qarý, qatty dybys shyǵaratyn 1 granata, 1 brondy saýyt jáne 98 oq tapsyrdy.
- Polıtsııa organdarymen birge «Qorǵan» ańshylyq dúkeninen qarý urlaýǵa qatysy bar óńir turǵyndary ustaldy. Tintý barysynda olardyń turǵylyqty jeri boıynsha optıkalyq nysana, tegis uńǵyly oqpen jabdyqtaýǵa arnalǵan stanok, sondaı-aq «ASG» straıkbolǵa arnalǵan myltyq alyndy.
- Jambyl oblysynda «Kalashnıkov» avtomaty, revolver, «Saıga» karabıni jáne 328 oq-dári jasyrylǵan oryn tabyldy.
- Qyzylorda oblysynda «Kalashnıkov» avtomaty, «Makarov» tapanshasy, «Borz» tapansha-pýlemeti, «Saıga» karabıni, «F-1» granatasy jáne 59 oq-dári jasyrylǵan oryndar anyqtaldy.
- Shyǵys Qazaqstan oblysynda Polıtsııa departamentimen birge jasyryn jerden 1 sholaq myltyq, 1 «RG-42» granatasy, 168 oq-dári jáne 1 brondy saýyt alyndy.
- Túrkistan oblysynda polıtsııa organdarymen birge «Mosına» markaly myltyq tárkilendi.
