Qańtar oqıǵasy boıynsha qansha quqyq qorǵaý organynyń ókili qyzmetten shettetildi
«Qańtar oqıǵasynan keıin adam azaptaý men ókilettigin asyra paıdalaný faktileri boıynsha 243 qylmystyq is tergelip jatyr dep Adam quqyqtary jónindegi ýákil aqparat berdi. Osy 243 qylmystyq is boıynsha qansha laýazymdy adam jumystan shettetildi?», - dep surady depýtat.
«243 is tergelip jatyr. Onyń ishinde eń kúrdeli 9 isti Bas prokýratýraǵa aldyq. 9 adam qamaýǵa alyndy. Onyń ishinde 8-i Ulttyq qaýipsizdik organynyń, 1 adam polıtsııa qyzmetkeri. Bul istiń bári áli sotqa joldanǵan joq. Áli sheshim qabyldanǵan joq», - dedi Bas prokýror Berik Asylov.
Іshki Іster mınıstri Marat Ahmetjanov ta qosymsha aqparat berdi.
«Bizdiń bir qyzmetker qazir qamaýda. Ol Almaty oblysynyń qyzmetkeri. Sol jerde departamenttiń bastyǵy, búkil orynbasarlary jumystan bosatylǵan. Qalǵandaryna tergeý nátıjesi boıynsha qorytyndy sharalar qoldanylady», - dedi mınıstr.
