Qańtar oqıǵasy: Azaptaý qylmysy boıynsha kúdikke ilingenderge raqymshylyq jasalmaıdy

ASTANA. QazAqparat – Qańtar oqıǵasyna qatysty quqyq qorǵaý organdarynan tek bir ǵana adam raqymshylyq is-sharalarymen qamtylýy múmkin. Bul týraly búgin Májilistiń jalpy otyrysynda málim boldy, dep habarlaıdy QazAqparat tilshisi.

«Qazirgi kezde quqyq qorǵaý salasyndaǵy 49 adam jaýapkershilikke tartylyp jatyr. Onyń bireýine ǵana raqymshylyq qoldanylýy múmkin. Ol is áli sotqa joldanǵan joq. Kúdikti qylmysty jasyrý deregi boıynsha tergelip otyr. Al qalǵandary azaptaý men bılikti asyra paıdalaný isteri boıynsha tergeldi», - dedi Bas prokýrordyń orynbasary Áset Shyndalıev depýtattardyń saýalyna jaýap bere otyryp.

Osy oraıda adamdardy azaptaý qylmysy boıynsha kúdikke ilingen quqyq qorǵaý qyzmetkerlerine raqymshylyq qoldanylmaıtynyn naqtylady.

Budan buryn habarlanǵandaı, qańtardaǵy azaptaýǵa qatysty 17 polıtseı men 12 UQK qyzmetkeri jaýapkershilikke tartylady.

Búgin Májilistiń jalpy otyrysynda «Raqymshylyq jasaý týraly» zań jobasyn maquldady.

Aldyn ala jasalǵan esepteý boıynsha osy kezeńde raqymshylyq 1,5 myńǵa jýyq adamǵa jasalady.