Qańtar oqıǵasy ári sabaq, ári serpilis boldy – Qaraǵandy oblystyq máslıhat depýtaty
Memleket basshysy Qasym-Jomart Toqaevtyń ózi «Qańtar qasireti» ataǵan oqys oqıǵa qoǵamdaǵy qordalanǵan máselelerdiń basyn ashyp, halyq pen bıliktiń arasyn jaqyndatýǵa septigin tıgizdi. Alǵashynda qarapaıym halyqtyń gaz baǵasyna narazylyǵynan bastalǵan beıbit sherý sońǵy sátterde saıası sıpat alyp, arandatýshy kúshterdiń yqpalymen ýshyqqanyn da jasyra almaımyz. Prezıdenttiń der ýaqytynda qabyldaǵan batyl sheshimderiniń arqasynda ekstermıstik toptardyń joly kesilip, memlekettigimizdi, Táýelsizdigimizdi saqtap qaldyq.
«11 qańtar kúni QR Parlamentiniń otyrysynda sóılegen sózinde turaqtylyǵymyzdy júıeli túrde teńseltip kelgen jat pıǵyldaǵy arandatýshy toptardyń áreketin ótkir synaǵan Qasym-Jomart Kemeluly «tóńkeris táýekeline» sebep bolǵan ishki-syrtqy máselelerdi jipke tizip, onyń sheshý baǵyttary boıynsha jańa quramdaǵy Úkimetke naqty tapsyrmalar júktedi. Barlyǵy – kópten beri el kókeıinde júrgen ózekti máseleler», -deıdi Bekzat Qomaruly.
Qaraǵandy oblystyq Qoǵamdyq Kelisim Keńesi tóraǵasynyń aıtýynsha, Prezıdenttiń memlekettik qaýipsizdik máselesine qatysty oılary da el kóńilinen shyqty.
«Ekonomıkalyq blokqa qatysty Qazaqstan múmkindikteriniń sheksiz ekendigin, solaı bola tura, shıkizat pen ımportqa táýeldilikten aryla almaı otyrǵan ulttyq ekonomıkamyzdy ótkir synaǵan Prezıdent óńdeý salasyn óristetý, sol arqyly azamattar tabysyn eseleý kerektigin qadap aıtty. Ásirese, ýtılızatsııalyq alym mólsherin qaıta qaraý jónindegi tapsyrmasy qarapaıym halyqtyń resmı bılikke degen senimin oıatty. «Samuryq-Qazyna» qory men Qytaı shekarasyndaǵy «Qorǵas» kedendik beketine qatysty bastamalary, áleýmettik mańyzy bar taýarlar baǵasyna memlekettik baqylaý jasaý mindetteri dál Prezıdent aıtqandaı oń sheshimin taýyp, ońtaılanyp jatsa árıne, halyq rıza bolar edi», - dep qosty Bekzat Altynbekov.
Jańadan jasaqtalǵan Úkimet quramynyń da birden naqty isterge jumylyp, Memleket basshysynyń tapsyrmalaryn oryndaýǵa bilek sybana kirisip ketkeni de kóńil qýantady.
«Men – qarapaıym halyqtyń ortasynda jıi bolatyn oblystyq máslıhattyń depýtatymyn. Sońǵy eki-úsh kúnde eldiń Prezıdentke degen sheksiz yqylasy men rızashylyǵyna kýá bolyp júrmin. El – rıza. Halyq Prezıdentke senedi, qoldaıdy!
Biz úshin eń mańyzdysy – Táýelsizdik pen turaqtylyq. Qańtar oqıǵasy ári sabaq, ári serpilis boldy. Ókinishi de bar, árıne. Qanshama sarbazdarymyz ben quqyq qorǵaý organdarynyń qyzmetkerleri qaza tapty. Beıbit halyq ta, kásipkerler de zardap shekti. Munyń barlyǵy búliktiń saldary. Alaıda, búlikshiler qolynan qaza tapqandar men zardap shekkenderdiń barlyǵyna memleket tarapynan qoldaý bolatynyn basa aıtqan Qasym-Jomart Toqaevtyń parasatyna el senim artyp otyr.
Ozbyrlyq pıǵylymen memlekettik tóńkeris jasaýǵa umtylǵan búlkishiler tolyq qatań jazalanatynyna da senemiz. Jańa Qazaqstandy Prezıdentpen birge quramyz!», - dedi Bekzat Qomaruly.
