Qańtar oqıǵasy: Almatyda jelilik polıtsııa bóliminiń eks-bastyǵy sottaldy

ALMATY. QazAqparat – Túrksib aýdanynyń sotynda Almaty áýejaıy jelilik polıtsııa bóliminiń burynǵy bastyǵy Talǵat Tálipovqa qatysty sot úkimi shyqty, dep habarlaıdy QazAqparat tilshisi.

Almaty qalalyq soty baspasóz qyzmetiniń málimetinshe, Talǵat Tálipov qańtar oqıǵasy kezinde bılik pen laýazymdyq ókilettiligin asyra paıdalanǵany úshin kináli dep tanyldy.
Sýdıa sottalýshyny 5 jyl merzimge memlekettik qyzmette belgili bir laýazymdardy atqarý quqyǵynan, sondaı-aq 6 jylǵa bas bostandyǵynan aıyrý jazasyn taǵaıyndady. Budan bólek ol polıtsııa podpolkovnıgi ataǵynan aıyryldy.
T.Tálipov jazasyn qaýipsizdigi ortasha qylmystyq-atqarý júıesi mekemesinde óteıdi.
Qylmystyq is materıaldaryna sáıkes, Tálipovtiń áreketteri saldarynan áýejaı aýmaǵynda saýda núkteleri bar kásipkerlerge jalpy somasy 414 mln teńgeden astam materıaldyq shyǵyn keldi.
Úkim zańdy kúshine engen joq.