Qańtar oqıǵasy: Almatyda urlanǵan qarýdyń iri partııasy tabyldy

ALMATY. QazAqparat - Almaty qalasynda 5-6 qańtarda bolǵan tártipsizdikter kezinde qarý satatyn dúkenderden urlanǵan qarý-jaraq partııasy tabyldy. Bul týraly Kóliktegi polıtsııa departamentiniń bastyǵy Ońal Bekıev aıtty, dep habarlaıdy QazAqparat tilshisi.

Ońal Bekıev atap ótkendeı, Almaty áýejaıyndaǵy tártipsizdikke qatysqan Ózbekstannyń 23 jastaǵy azamaty urlyq jasady degen kúdikpen ustalyp, turǵylyqty jerinen 2 pyshaq pen 1 pnevmatıkalyq tapansha tárkilendi.

Sondaı-aq polıtseıler onyń 43 jastaǵy sybaılasyn anyqtap, ustady.Tintý barysynda pnevmatıkalyq qarýdyń 19 birligi men olarǵa arnalǵan patrondar, 10 pyshaq, 1 arbalet, 6 optıkalyq kózildirik jáne 3 optıkalyq qurylǵy tárkiledi.

«Sotqa deıingi tergeý amaldary júrgizilýde, kúdiktilerdiń basqa da qylmystarǵa qatystylyǵy tekserilip jatyr», - dep qorytyndylady polıtsııa general-maıory.

Sonymen qatar kúdiktilerdiń basqa da sybaılastaryn anyqtaý jáne ustaý sharalary júrgizilip jatyr.