Qańtar oqıǵasy: Almatyda polıtsııa ǵımaratyna shabýyl jasaǵandardyń biri ustaldy
QR ІІM Kóliktegi polıtsııa departamentiniń bastyǵy Ońal Bekeevtiń málim etkenindeı, Almaty qalasynda turatyn Jambyl oblysynyń 24 jastaǵy týmasy qolǵa tústi.
Ony Almaty qalasynyń áýejaıynda qańtar aıyndaǵy oqıǵalar kezinde jasalǵan qylmystardy tergeýmen aınalysatyn Kóliktegi polıtsııa departamentiniń jedel tergeý toby beınebaqylaý kameralarynyń jazbalaryn zertteý nátıjesinde anyqtady.
«Kúdiktiniń 5 qańtarda tártipsizdikterge qatysýshylarmen birge qarý-jaraq dúkeninen qarý urlap, Almaty qalasynyń áýeajaıyna qarýly shabýyl jasaǵandyǵy belgili boldy. Sodan keıin sybaılastarymen birge Almaty qalasy polıtsııa departamentiniń ǵımaratyna baryp, ǵımaratty tańǵy saǵat 6-ǵa deıin qorshaýda ustaýǵa qatysqan», dedi polıtsııa general-maıory.
Budan soń ol urlanǵan qarýdy belgisiz bireýge satyp jibergen.
«Qazir kúdiktige qatysty kúzetpen ustaý túrindegi bultartpaý sharasy sanktsııalandy. Tergeý amaldary júrgizilýde», dedi O.Bekeev.
