Qańtar oqıǵasy: Almaty oblysynda urlanǵan qarýlardy tárkileý jalǵasýda
Almaty oblysynda Quqyq qorǵaý organdary qańtardaǵy tártipsizdikter kezinde urlanǵan qarý men oq-dárilerdi zańsyz aınalymnan alýdy jalǵastyrýda.
Sońǵy derek Talǵar aýdanynda tirkeldi. Onda 12 naýryzda Arqabaı – Panfılov avtojolynyń janynan atys qarýlary bar qupııa oryn anyqtaldy. Polıtsııa qyzmetkerleri UQKD qyzmetkerlerimen birlesip «Fair» markaly 2 eki uńǵyly ańshylyq myltyqty, 12 kalıbrli, 1 pnevmatıkalyq myltyqty, nómirsiz «Ruger» markasyn, jaryq-dybys granatasyn jáne ártúrli kalıbrli 27 patrondy tárkiledi.
«Arnaıy derekter bazasy boıynsha tekserý kezinde tabylǵan myltyqtardyń bir bóligi 5 qańtarda Almatydaǵy jappaı tártipsizdik kezinde urlanǵan dep esepteldi. Fakti boıynsha qylmystyq tergeý bastaldy», - dep habarlady Talǵar aýdanynyń Polıtsııa bóliminde.
Sondaı-aq 12 naýryzda Qarasaı aýdanynda polıtsııa qyzmetkerleri Kemertoǵan aýylynyń 36 jastaǵy turǵynyn ustady. Onyń «Mersedes bens» avtokóliginiń salonynda tártip saqshylary 7,62 mm kalıbrli «Sımonov» karabınin zaýyttyq nómirlersiz tapty. Er adam qarýdy úsh aı buryn belgisiz adamnan satyp alǵanyn aıtty. Kúdikti qamaýǵa alyndy. Atys qarýyn zańsyz satyp alý jáne saqtaý faktisi boıynsha sotqa deıingi tergeý bastaldy.
