Qańtar oqıǵasy: Almaty oblysynda 384 qylmystyq is tirkeldi
Almaty oblysynda qańtardaǵy jappaı tártipsizdik kezinde qamaýǵa alynǵandarǵa zańǵa qaıshy áreketterge barý, ıaǵnı azaptaý deregi boıynsha 37 qylmystyq is qozǵalyp tergelýde.
Sondaı-aq tergeý jáne ýaqytsha ustaý ızolıatorynan 33 adam bosatyldy. Onyń ishinde 8 kámeletke tolmaǵan bala bar. Jalpy qańtar oqıǵasynda 758 adam zardap shekti. Onyń 643-i polıtsııa qyzmetkeri, 78-i áskerıler, 37-si beıbit turǵyn. 8 ǵımarat, 68 kólik qıratyldy, 7 kólik tolyǵymen órtenip ketti. Qańtar oqıǵasy boıynsha barlyǵy 384 qylmystyq is tirkeldi. Adam óltirý deregi boıynsha 5 is qozǵalyp, úsh is polıtsııa departamentiniń óndirisinde. Urlyq deregi boıynsha 158 is tirkelip, 88 is ashyldy. Oblystyq polıtsııa departamenti men qalalyq polıtsııa basqarmasy ǵımaratynan 512 qarý qoldy boldy.
«QR QK 287 babyna sáıkes, egerde ózinde qazirgi kezde zańsyz saqtaǵan qarýdy sol tulǵa bizge óz áreketimen kelip tapsyratyn bolsa, qylmystyq jaýapkershilikten bosatylady», - dedi Almaty oblystyq polıtsııa departamenti tergeý basqarmasynyń bastyǵy Rýslan Charapıev.
