Qańtar oqıǵasy: Adam quqyqtary jónindegi ýákil qamaýdaǵy sheteldikterdiń sanyn aıtty

NUR-SULTAN. QazAqparat – Qazaqstandaǵy adam quqyqtary jónindegi ýákil Elvıra Ázimova qańtar oqıǵasyna baılanysty qamaýda otyrǵan sheteldikterdiń sanyn aıtty dep habarlaıdy QazAqparat tilshisi.

«Qazirgi tańda jappaı tártipsizdikterge baılanysty ýaqytsha ustaý ızolıatorlarynda 18 sheteldik azamat bar. Onyń 14-i Ózbekstannyń, ekeýi Reseıdiń jáne taǵy ekeýi Qyrǵyzstannyń azamattary», - dedi ýákil.

Sondaı-aq, ol qamaýdaǵylardy ustaý jaǵdaıy týraly málimetter aıtty.

«6 qańtardan keıingi alǵashqy 48 saǵat ishinde ýaqytynda aýyzsý berilmegen, tamaqty jetkiliszi bergen jaıttar anyqtaldy. Ýaqytsha ustaý ızolıatorynlarynda adamdardyń barynsha kóptigimen baılanysty problemalar bolǵan. Keıin ahýal retteldi. 10 qańtardan bastap ustalǵandardyń bárine úıden sálemdeme alýǵa ruqsat berildi. Búginde tamaqtaný normatıvi saqtalyp otyr. Biraq tamaqtyń sapasyna baılanysty birneshe shaǵym bar», -dedi Elvıra Ázimova.