Qańtar oqıǵasy: 117 adam bas bostandyǵynan aıyryldy
ASTANA. QazAqparat – Bıyl qańtarda bolǵan jappaı tártipsizdikterge qatysty 16 myńnan astam adamnan jaýap alyndy. Bul týraly QR ІІM Tergeý departamentiniń bastyǵy Sanjar Ádilov málim etti, dep habarlaıdy QazAqparat tilshisi.
«Qazirgi tańda ishki ister organdarynyń tergeýshileri «qańtar oqıǵasyna» qatysty qylmystyq isterdi tergeýdi aıaqtap jatyr. Oǵan qatysty 16 myńnan astam adamnan jaýap alynyp, 3 myńnan astam saraptama júrgizildi. Shamamen 350 mln teńgeni quraıtyn urlanǵan múlik tárkilendi. 1125 qylmystyq is óndirispen aıaqtaldy. Onyń ishinde 629 adamǵa qatysty qylmystyq is sotqa jiberildi», - dedi Sanjar Ádilov Ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, qańtardaǵy jappaı tártipsizdikterdi tergeýmen arnaıy prokýrorlar aınalysyp jatyr.
«Búgingi tańda 579 adam sottaldy. Onyń 462-si bas bostandyǵynan aıyrýdy kózdemeıtin jazaǵa kesildi. Aýyr jáne asa aýyr qylmys jasaǵan 117 adam naqty merzimge bas bostandyǵynan aıyryldy. Sonymen qatar 14 sottalýshyǵa qatysty taraptardyń tatýlasýyna baılanysty qylmystyq is toqtatyldy», - deıdi ol.
