Qańtar oqıǵasynda joǵalǵan qarý-jaraq Astana men Şýcheden tabyldy
ASTANA. KAZINFORM — Ulttyq qaýipsizdik komıteti qarý-jaraq pen oq-dáriniń zańsyz aınalymyna qarsy is-qımyl nátıjesin bólisti.
Bıylǵy shilde-tamyzda Ulttyq qaýipsizdik komıteti Bas prokýratýranyń úılestirýimen Astana jáne Şýche qalalarynda atys qarýy men oq-dáriniń zańsyz aınalymyna qatysy bar bir top adamnyń zańǵa qaıshy áreketiniń jolyn kesti.
Astanada júrgizilgen tintý barysynda qańtardaǵy tártipsizdik kezinde urlanǵan 2 «Kalashnıkov» avtomaty men 43 oq-dári, Şýchınskide — 7 atys qarýy, 4 tapansha jáne 1500-den astam túrli kalıbrli oq-dári alyndy.
Sot-ballıstıkalyq saraptama taǵaıyndalyp, sotqa deıingi tergeý júrip jatyr.
Jalpy jyldyń basynan UQK polıtsııa organdarymen birlesip qarýdyń zańsyz aınalymynyń 13 arnasyn, sondaı-aq ony jasyryn jasaıtyn 2 tsehty joıdy.
41 avtomat, 203 myltyq, 121 tapansha, 57 qol granatasy, 1 granatatqysh, 44 jarylǵysh qurylǵy jáne ártúrli kalıbrdegi 11 138 patron tárkilendi.
Qarýdyń zańsyz aınalymymen kúres sharalary jalǵasýda.
