«Qańtar oqıǵasyna qatysy bar» 20 adamnan quralǵan qylmystyq toptyń músheleri ustaldy
ASTANA. KAZINFORM — Almaty jáne Shymkent qalalarynda sondaı-aq Túrkistan oblysynda uıymdasqan qylmystyq toptyń músheleri quryqtaldy. ІІM Ulttyq qaýipsizdik komıtetimen birlesip, Bas prokýratýranyń úılestirýimen qylmystyq toptardy joıý boıynsha arnaıy jumysty jalǵastyryp jatyr. Bul týraly Polisia.kz saıty jazdy.
17 maýsym kúni Almaty, Shymkent qalalarynda jáne Túrkistan oblysynda aýyr qylmystar jasaǵan, sonyń ishinde kásipkerlerdi bopsalady dep kúdikke ilingen qylmystyq toptyń múshelerin ustaý boıynsha jedel-izdestirý is-sharalary júrgizildi.
«Top músheleriniń «qańtar oqıǵasynyń» belsendi qatysýshylarymen baılanysy bar ekendigi anyqtaldy. Polıtsııaǵa 20 kúdikti jetkizildi. 40-tan astam izdestirý sharalary ótkizildi. Atys jáne travmatıkalyq qarý, esirtki men oq-dári tárkilendi. Tergeý Qylmystyq kodekstiń birneshe baby boıynsha júrgizilip jatyr», - delingen habarlamada.
Tergeý múddesinde ózge aqparat jarııalaýǵa jatpaıdy.
