Qańtar oqıǵalary: Órtengen avtokólikter shyǵyny qalaı óteledi

NUR-SULTAN. QazAqparat – QR Qarjy naryǵyn retteý jáne damytý agenttigi Qarjylyq qyzmetterdi tutynýshylardyń quqyqtaryn qorǵaý departamentiniń dırektory Aleksandr Terentev órtengen saqtandyrýdaǵy avtokólikter shyǵyny qalaı óteletinin túsindirdi, dep habarlaıdy QazAqparat.

«Qazaqstanda tártipsizdik kezinde nesıege rásimdelgen kóptegen avtokólikter órtendi. Adamdar onyń nesıesin tóleýdi jalǵastyrý qajet pe degen suraq qoıyp jatyr. Zardap shekkenderdiń saqtandyrý polısinde «Terrorızm aktisi» tarmaǵy qarastyrylmaǵan, sondyqtan keltirigen zalaldy kim óteıdi?», - dep suraq qoıdy jýrnalıst Ortalyq kommýnıkatsııalar qyzmetinde ótken baspasóz máslıhatynda.

«Nesıege alynǵan barlyq avtomobılder saqtandyrylǵan. Árıne, árbir shartty jeke-jeke qarastyryp shyǵý kerek: qandaı erekshe jaǵdaıdar kórsetilgen, tólem jasaýǵa qandaı negizder bar? Sondyqtan agenttik saqtandyrý kompanııalarymen birlesip, saqtandyrý qajettiligi týǵan barlyq saqtandyrý polıýsi boıynsha tólem júzege asyrylýy úshin jan-jaqty sharalar qabyldaıdy», - dep túsindirdi Aleksandr Terentev.

Spıkerdiń aıtýynsha, tólem jasalmaǵan jaǵdaıda saqtandyrylýshy azamat saqtandyrý ombýdsmenine jáne Qarjy naryǵyn retteý jáne damytý agenttigine júgine alady.

«Turǵyndardyń árbir ótinishi qaralatyn bolady», - dedi A. Terentev.