Qańtar oqıǵalary áıel men otbasy qaýipsizdigi máselesine naqty nazar aýdarý qajettigin kórsetti - Ramazanova

NUR-SULTAN. QazAqparat – Qańtar oqıǵalary áıel men otbasy qaýipsizdigi máselesine naqty nazar aýdarý qajettigin kórsetti. Bul týraly QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy Lázzat Ramazanova aıtty, dep habarlaıdy QazAqparat tilshisi.

«Uzaq jyldar boıy Qazaqstan janjaldar aımaǵynda turǵan joq dep aıtyp keldik. Shyndyǵynda da elimiz bul qarym-qatynasta qolaıly memleket bolyp keldi. Biraq, qańtar oqıǵalary áıel qaýipsizdigi, otbasy qaýipsizdigi máselesine naqty nazar aýdarymyz qajettigin kórsetip berdi», - dedi Lázzat Ramazanova elimizdiń Syrtqy ister mınıstrliginde ótken «Áıelder, beıbitshilik pen qaýipsizdik» taqyryndaǵy dóńgelek ústel aıasynda BAQ ókilderine bergen suhbatynda.

Onyń atap ótýinshe, bul máseleler BUU qararynda bekitilgen.

«Munyń barlyǵy, beıbitshilik pen qaýipsizdik máselesi BUU-nyń 13/25 qararymen bekitilgen. Dál osy problemany búgin dóńgelek ústel barysynda talqyǵa saldyq. Basty nazar ótken jyly qabyldanǵan atalǵan tujyrymdamany júzege asyrý jónindegi Úkimettiń keshendi josparyna aýdaryldy. Búginde qaýipsizdik pishinin ózgertip jibergen», dedi Lázzat Ramazanova.