Qańtar oqıǵasyna 2 jyl: Memleket budan qandaı sabaq alýy kerek
Eki jyl burynǵy Qańtar oqıǵasy – Prezıdent Qasym-Jomart Toqaevqa qarsy qastandyq, memlekettik tóńkeris áreketi. Bul pikirdi Májilis depýtaty Erlan Saırov aıtty, dep habarlaıdy Kazinform.
«Bıyl Qańtar oqıǵalaryna eki jyl toldy, bul Qazaqstannyń saıası tarıhyndaǵy úlken tragedııaly kezeń sanalady. Qańtar oqıǵalary – QR Prezıdenti Qasym-Jomart Toqaevqa qarsy qastandyq, memlekettik tóńkeris áreketi. Óıtkeni Qasym-Jomart Toqaev bılik basyna kelgennen keıin demokratııaǵa bet aldy, sol kezdegi revanshıstik toptar óziniń korrýptsııalyq qarjysyn, oǵan qosa bılikti qolynan jibergisi kelmedi. Sondyqtan olar eki jyl boıy ártúrli qaskúnemdik jasap keldi. Munyń sońy Qańtar oqıǵasyna ulasty», - dedi sarapshy Kazinform tilshisine bergen suhbatynda.
E.Saırov Prezıdenttiń keshe Egemen Qazaqstan gazetine bergen suhbatynda Qańtarǵa qatysty barlyq suraqqa tolyqqandy jaýap bergenin atap ótti.
«Saıası tarıhqa qarasaq, qandaı da bir memlekette eskini ańsaıtyn azamattar olar bılikti ustap qalý úshin qoldan kelgenniń barlyǵyn isteıdi. Sondyqtan qańtarǵa qatysty shyndyq bir-aq nárse – 30 jyl ishinde qordalanyp qalǵan áleýmettik-ekonomıkalyq problemalar, halyqtyń kedeılenip ketýi jáne halyqtyń osy áleýmettik ádiletsizdikti kórýi. ıAǵnı resýrstardyń barlyǵy jekelengen toptyń, onyń ishinde Tuńǵysh Prezıdent Nursultan Nazarbaevtyń týystarynyń, onyń aınalasyndaǵy adamdardyń qolyna shoǵyrlandy. Osynyń barlyǵyn kórgen halyq kóshege shyqty. Mine, osyny qaskúnem toptar óz múddesine paıdalanýǵa tyrysty. Sondyqtan Qańtar oqıǵalarynyń negizgi sebepteri – 30 jyldaǵy halyqqa qarsy saıasat. Ekinshiden – qastandyq oılaýshylardyń Prezıdent Toqaevqa qarsy naqty is-qadamdary», - dedi ol.
Depýtat aıtqandaı, Qańtar oqıǵalarynan alatyn eń negizgi sabaq – memlekettiń saıasaty halyqtyń múddesine jumys isteýi kerek.
«Memlekettiń búkil ekonomıkalyq resýrstarynyń barlyǵy halyqtyń basym kópshiligine qyzmet etýi kerek. Qazaqstandaǵy azamattardyń barlyǵyna eńbek etýine, kásipkerlikpen aınalysýǵa, óziniń shyǵarmashylyq potentsıalyn kórsetýge jan-jaqty múmkindik ashylýy kerek. Eger osyndaı úılesimdi memleket bolsa, mundaı oqıǵalar eshqashan qaıtalanbaıdy», - deıdi Erlan Saırov.
Eske sala ketsek, 2022 jyldyń 2 qańtarynda jańaózendikterdiń suıytylǵan gaz baǵasynyń kóterilýine baılanysty bastalǵan beıbit mıtıng az ýaqyttyń ishinde elimizdiń búkil aımaǵyna tarap, onyń sońy memlekettik tóńkeriske aınala jazdady.
Buǵan deıin Kazinform agenttigi Qańtar qasiretine qatysty derekter men atyshýly isterge sholý jasaǵan edi.
