Qańtar-naýryzda 46,5 myń ul jáne 43,8 myń qyz bala dúnıege keldi
ASTANA. 17 mamyr. QazAqparat - Qańtar-naýryzda 46,5 myń ul jáne 43,8 myń qyz nemese 100 qyzǵa 106 ul dúnıege keldi, dep habarlady QR Statıstıka agenttiginiń baspasóz qyzmetinen.
Vedomstvonyń habarlaýynsha, 2010 jyldyń qańtar-naýryzymen salystyrǵanda uldar 3,9 paıyzǵa, qyzdar 3,6 paıyzǵa kóp týylǵan. Dúnıeden ozǵan erkekter 21,2 myńdy, al áıelder 17,6 myńdy nemese 1000 áıelge 1201 erkekti quraıdy. Ótken jyldyń qańtar-naýryzymen salystyrǵanda erkekter 7,5 paıyzǵa, áıelder 6,4 paıyzǵa kóp qaıtys boldy.
Halyq arasyndaǵy ólim-jitimniń negizgi sebepteriniń biri qan aınalymy júıesiniń buzylýy bolyp otyr. Bul aýrýmen qaza tapqandar 45,7 paıyzdy (2010 jyly qańtar-naýryzda - 46,2 paıyz) quraıdy. Al tótenshe oqıǵalardan, ýlanýdan jáne jaraqattan mert bolǵandar sany - 4131, onyń ishinde kisi qolynan qaza tapqandar - 414, ózine-ózi qol jumsaǵandar - 806 jáne jol-kólik oqıǵasynan mert bolǵandar 611 adam.
