Qańtar men aqpanda 2,1 mln sharshy metr turǵyn úı paıdalanýǵa berilgen

ASTANA. QazAqparat –Ulttyq ekonomıka mınıstri Álibek Qýantyrovtyń málimeti boıynsha Qańtar men aqpanda 2,1 mln sharshy metr turǵyn úı paıdalanýǵa berilgen, dep habarlaıdy QazAqparat tilshisi.

«Oryndalǵan qurylys jumystarynyń kólemi 12,8% ulǵaıdy. Jetisý oblysynan basqa barlyq óńirlerde oń ósý tirkeldi, ásirese qurylys-montajdaý jumystarynyń eń kóp ósýi Jambyl, Mańǵystaý, Aqtóbe, Abaı jáne Qyzylorda oblystarynda baıqaldy», - dedi mınıstr Úkimet otyrysynda.

Onyń aıtýynsha, qańtar-aqpanda 2,1 mln sharshy metr turǵyn úı paıdalanýǵa berilgen jáne bul ótken jyldyń sáıkes kezeńimen salystyrǵanda 22,2% joǵary.

«Turǵyn úıdi paıdalanýǵa berýdiń eń joǵary kórsetkishteri Almaty jáne Shymkent qalalarynda, sondaı-aq Mańǵystaý jáne Atyraý oblystarynda baıqaldy», - dedi ol.