Qańtar-maýsymda JІÓ ósimi 3,9 paıyzdy qurady
ASTANA. QazAqparat - Aǵymdaǵy jyldyń qańtar-maýsym aılaryndaǵy Qazaqstannyń jalpy ishki ónimi ósimi 3,9 paıyzdy qurady. Bul týraly búgin QR Statıstıka agenttiginiń tóraǵasy Álıhan Smaıylov málim etti.
«Boljamdy baǵalaýǵa sáıkes qysqa merzimdi ekonomıkalyq ındıkatordy qosa alǵanda alty aıdyń qorytyndysyndaǵy JІÓ 3,9 paıyzǵa ósim kórsetetindigin boljaýǵa bolady», - dedi ol BAQ ókilderiniń saýalyna oraı.
Agenttik tóraǵasynyń aıtýynsha, aǵymdaǵy jyldyń qańtar-maýsymynda qysqa merzimdi ekonomıkalyq ındıkator ósimi 2,5 paıyzdy qurady. Osy aralyqtaǵy ónerkásip óndirisiniń kólemi qoldanystaǵy baǵalarda 9203 mlrd. teńgege jetti. Ken óndirý ónerkásibinde jáne karerler qazýda óndiris kólemi 0,6, óńdeý ónerkásibinde 0,3 paıyzǵa kemidi.
