Qańtar-maýsymda Qazaqstannyń JІÓ 4,2 protsentke ósti
ASTANA. QazAqparat - Aǵymdaǵy jyldyń qańtar-maýsymynda Qazaqstan jalpy ishki ónimi 4,2 protsentke ósti. Bul týraly búgin QR Úkimeti otyrysynda elimizdiń 2017 jylǵy qańtar-maýsymdaǵy áleýmettik-ekonomıkalyq damý qorytyndylary týraly baıandaǵan Ulttyq ekonomıka mınıstri Tımýr Súleımenov málim etti, dep habarlaıdy QazAqparat.
«Esepti kezeńde Qazaqstan ekonomıkasy bırjalyq taýarlar baǵasy konıýnktýrasynyń turaqty bolýy, Qazaqstannyń negizgi saýda áriptesteri elderinde ekonomıkalyq belsendiliktiń artýy, sondaı-aq álemdik ekonomıkanyń ósýine qatysty oń kútýler jaǵdaıynda damydy. Munaı baǵasy aǵymdaǵy jylǵy maýsym aıynda barreline 46,9 dollarǵa deıin quldyraýyna qaramastan, óziniń turaqtylyǵyn saqtady. Aǵymdaǵy jylǵy 6 aıdyń qorytyndysy boıynsha, ol barreline 52,2 dollar deńgeıinde qalyptasty, bul 2016 jylǵy uqsas deńgeımen salystyrǵanda úshten bir ese joǵary. Barlyq negizgi metaldarǵa baǵanyń ósýi baıqalady», - dedi ol.
Jalpy alǵanda mınıstr syrtqy faktorlardyń Qazaqstan ekonomıkasyna jaǵymdy áserin jáne ekonomıkamyzdyń ishki damý parametrleriniń birte-birte turaqtanýyn atap ótti.
«Aldyn ala derekter boıynsha, aǵymdaǵy jylǵy qańtar-maýsymda Qazaqstannyń JІÓ 4,2 protsentke ósti. Taýar óndirisi ekonomıkasyna qosylǵan oń úles 2,6 paıyzdyq tarmaqty, qyzmet kórsetý - 1,3 paıyzdyq tarmaqty, ónimder salyǵy - 0,3 paıyzdyq tarmaqty qurady», - dedi Tımýr Súleımenov.
