Qańtar-maýsymda Qazaqstan halqynyń tabıǵı ósimi 118,2 myń adamdy qurady - Statıstıka
ASTANA. 15 tamyz. QazAqparat - Qańtar-maýsymda Qazaqstan halqynyń tabıǵı ósimi 118,2 myń adamdy qurady, dep habarlady QR Statıstıka agenttiginiń baspasóz qyzmetinen.
Vedomstvonyń atap ótýinshe, aǵymdaǵy jyldyń 1 shildesinde elimizdegi halyq sany 17 028,6 myń adamdy qurady, onyń 9 350,8 myńy (54,9%) - qalalyqtar, al 7677,8 myńy (45,1%) aýyldyqtar. 2013 jyldyń qańtar-maýsymda elimizde halyq sany 118,8 myń adamǵa nemese 0,7 paıyzǵa, al ótken jyldyń 1 shildesimen salystyrǵanda 234,7 myń adamǵa nemese 1,4 paıyzǵa ósti.
2013 jyldyń qańtar-maýsymda respýblıka halqynyń tabıǵı ósimi 118,2 (2012 jyldyń qańtar-maýsymda 114,9 myń adam) myń adamdy qurady. Tabıǵı ósimniń jalpy koeffıtsıenti 1000 adamǵa shaqqanda 14 (13,8) adamǵa teń.
