Qańtar-maýsym aılarynda Qazaqstannyń syrtqy saýda aınalymy 40,1 paıyzǵa ósti
ASTANA. Tamyzdyń 12-ci. QazAqparat /Qanat Mámetqazyuly/ - Statıstıka agenttiginiń málimetterine qaraǵanda, 2010 jylǵy qańtar-maýsymda syrtqy saýda aınalymy (Qazaqstan Respýblıkasy Kedendik baqylaý komıtetiniń derekteri, uıymdaspaǵan saýda esebinsiz) 42 mlrd. 539,5 mln. AQSh dollaryn qurap,
2009 jylǵy qańtar-maýsymmen salystyrǵanda 40,1 paıyzǵa ósti. Bunyń ishinde eksport - 29 mlrd. 579,8 mln. AQSh dollaryn (72,2 paıyzdyq ósim), ımport 12 mlrd. 959,7 mln. AQSh dollaryn (1,8 paıyzǵa az) qurady.
Al 2010 jylǵy tamyzdyń 1-indegi málimetke sáıkes, elimizdegi tirkelgen zańdy tulǵalar sany 298 myń 387 birlikti qurap, ótken jylǵy sáıkes kezeńmen salystyrǵanda 2 paıyzǵa artqan. Statıstıka agenttiginiń taratqan málimetterine qaraǵanda, bunyń ishinde 50 adamnan kem emes qyzmetkerleri bar zańdy tulǵalar sany 282 myń 577 birlikti quraıdy. Budan bólek, jumys istep turǵan zańdy tulǵalar sany 190 myń 780-di qurasa, onyń 175 myń 965-i - shaǵyn kásiporyndar. Sonymen birge, respýblıkadaǵy shaǵyn bıznes sýbektileriniń sany (zańdy tulǵalar) 215 myń 164 birlikti qurap, ótken jylǵy tıisti kezeńmen salystyrǵanda 2,4 paıyzǵa artqan.
