Qańtar-maýsym aılarynda Qazaqstannyń Keden odaǵy elderimen ózara saýdasy 12 081,6 mln. AQSh dollaryn qurady

ASTANA. 13 tamyz. QazAqparat - 2013 jylǵy qańtar-maýsymdaǵy Qazaqstan Respýblıkasynyń Keden odaǵy elderimen ózara saýdasy 12 081,6 mln. AQSh dollaryn qurap, 2012 jylǵy qańtar-maýsymmen salystyrǵanda 9,6%-ǵa ósti. Sonyń ishinde eksport 3 181,1 mln. AQSh dollaryna (2,9%-ǵa ósti), al ımport 8 900,5 mln. AQSh dollaryna (12,3%-ǵa ósti) jetti. Bul týraly QR Statıstıka agenttiginen habarlandy.

Qazaqstan Respýblıkasynyń eksporty qurylymynda kópshiligin mıneraldy ónimder (40,3% Keden odaǵy elderiniń barlyq eksporttynyń kólemine), metaldar jáne olardan jasalǵan buıymdar (24,5%), hımııalyq ónerkásip ónimderi (14,6%) qurady.

Reseı Federatsııasynan jáne Belarýs Respýblıkasynan úlken dárejede mıneraldy ónimderi (Keden odaǵy elderiniń ımporttyń jalpy kólemine 27,4%), mashınalar jáne jabdyqtar (22,2%), metaldar jáne olardan jasalǵan buıymdar (15,7%), hımııalyq ónerkásip ónimderi (11,0%), mal jáne ósimdikter ónimderi, daıyn azyq-túlik taýarlary (9,9%) tasymaldanady.