Qańtar-maýsym aılarynda 4,2 mlrd. tekshe metr gaz eksporttaldy
ASTANA. 26 shilde. QazAqparat - 2012 jyldyń qańtar-maýsym aılary aralyǵynda respýblıkamyzdyń gaz eksporttaý kólemi 4,2 mlrd.tekshe metrdi (95,5%) qurady.
Budan bólek, atalǵan merzim aralyǵynda 1 091,5 myń tonna suıytylǵan kómirsýtek gazy óndirildi (101,5%).
Munaı jáne gaz mınıstrliginiń aqparattyq-taldaý ortalyǵynyń málimetterine qaraǵanda, halyqaralyq gaz tranzıti kólemi 50,6 mlrd.tekshe metrdi nemese 108,5 paıyzdy qurap otyr.
Toqtala ketetin jaıt, «Gazprom» AAQ, «Ózbekmunaıgaz» MHK jáne «QazMunaıGaz» UK AQ arasynda gazdy qarsy jetkizý týraly 2006 jylǵy 27 jeltoqsandaǵy kelisimge sáıkes barlyq gaz ımporty teń baǵa boıynsha jáne teń kólemderde Qarashyǵanaq eksportymen «aıyrbastalady».
Sonymen qatar, qazirgi ýaqytta Qazaqstan - Qytaı gaz qubyrynyń 1-shi ýchaskesiniń 1-shi jáne 2-shi jelileriniń qurylysy aıaqtalyp, paıdalanýǵa tapsyryldy. Búgingi kúnde shamamen 30 mlrd.tekshe metr tranzıttik gaz tasymaldandy. Qazaqstan-Qytaı gaz qubyrynyń 1-shi ýchaskesin kompressorlyq stansalarynyń qurylysyn qosqanda, tolyq aıaqtalýy jáne paıdalanýǵa engizilýi 2012 jyldyń sońyna deıin jylyna qýaty 30 mlrd.tekshe metr, al keıinnen jylyna 40 mlrd.tekshe metrge deıin keńeıýi josparlanyp otyr. Budan basqa, qazirgi ýaqytta, qýatyn jylyna 65 mlrd.tekshe metrge deıin ulǵaıtý arqyly, Qazaqstan-Qytaı gaz qubyrynyń 1-ýchaskesiniń úshinshi jelisin salý máselesi de pysyqtalyp jatyr.
