Qańtar-maýsym aralyǵynda turǵyn úıdi satyp alý-satý mámileleriniń sany 69 415-ti qurady
ASTANA. 13 shilde. QazAqparat /Qanat Mámetqazyuly/ - 2011 jylǵy qańtar-maýsym aralyǵynda turǵyn úıdi satyp alý-satý mámileleriniń sany 69 415-ti qurady. Bul týraly Statıstıka agenttiginen habarlandy.
Agenttiktiń taratqan málimetterine qaraǵanda, 2011 jylǵy maýsym aıynda turǵyn úıdi satyp alý-satýdyń tirkelgen mámileleriniń sany 14 myń 440-ty quraǵan. Bul onyń aldyndaǵy aımen salystyrǵanda 15,9 paıyzǵa óskenin bildiredi. Al 2011 jylǵy qańtar-maýsymda turǵyn úıdi satyp alý-satý mámileleriniń sany ótken jylǵy tıisti kezeńmen salystyrǵanda 12 paıyzǵa artqan.
