Qańtar-mamyrda syrtqy saýda aınalymy 52144,5 mln. AQSh dollaryn qurady
ASTANA. 11 shilde. QazAqparat - 2013 jylǵy qańtar-maýsymda bólshek saýda kólemi (qoǵamdyq tamaqtandyrý aınalymynsyz) 2235,7 mlrd. teńgeni qurap, byltyrǵy osy kezeńmen salystyrǵanda 12,3 paıyzǵa ósti. Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.
2013 jylǵy qańtar-maýsymda kóterme saýda kólemi 6070,6 mlrd. teńgeni qurap, 2012 jylǵy sáıkes kezeńge qaraǵanda 12,5 paıyzǵa artty.
Sonymen qatar atalǵan merzimde tamaq ónimderi men sýsyndardy usyný boıynsha qyzmetter kólemi 105,7 mlrd. teńgeni qurady jáne 2012 jylǵy qańtar-maýsymmen salystyrǵanda 8 paıyzǵa ósti.
«Saýda» salasy boıynsha naqty kólem ındeksi 112,5 paıyzdy qurdy.
- «2013 jylǵy qańtar-mamyrda syrtqy saýda aınalymy 52144,5 mln. AQSh dollaryn qurap, 2012 jylǵy qańtar-mamyrmen salystyrǵanda 4,5 paıyzǵa az boldy. Onyń ishinde eksport - 34259,8 mln. AQSh dollaryn (10,8% az), ımport - 17884,7 mln. AQSh dollaryn qurady (10,3% ósti)», - delingen agenttik málimetinde.
