Qańtar-mamyrda syrtqy saýda aınalymy 2,7 paıyzǵa tómendedi
ASTANA. QazAqparat - Aǵymdaǵy jyldyń qańtar-mamyrynda syrtqy saýda aınalymy 2,7 paıyzǵa tómendedi. Bul týraly búgin QR Statıstıka agenttiginiń tóraǵasy Álıhan Smaıylov málim etti.
«2014 jyldyń qańtar-mamyrynda syrtqy saýda aınalymy 50934 mln. AQSh dollaryn qurap, 2,7 paıyzǵa tómendedi. Onyń ishinde eksport 3 paıyzǵa ósip, 35461 mln. AQSh dollaryn qurady. Al ımport kerisinshe 13 paıyzǵa azaıyp, 15500 mln. AQSh dollaryna jetti», - dedi agenttik basshysy.
Sonymen qatar, Á.Smaıylovtyń aıtýynsha, 2014 jyldyń maýsymyndaǵy tutyný baǵasynyń ındeksi ótken jyldyń jeltoqsanymen salystyrǵanda 104,8 paıyzdy quraǵan. Azyq-túlik taýarlarynyń baǵalary 5,5, azyq-túlik emes taýarlar 4,7, halyqqa kósretiletin aqyly qyzmetter 4 paıyzǵa ósken.
