Qańtar-mamyrda Qazaqstan halqynyń tabıǵı ósimi 99,2 myń adamdy qurady
ASTANA. 11 shilde. QazAqparat - Bıylǵy 1 maýsymdaǵy jaǵdaı boıynsha elimizdegi halyq sany 17010,6 myń adamdy qurady, sonyń ishinde qalalyqtar - 9339,2 myń (54,9 paıyz), aýyldyqtar - 7671,4 myń adamdy (45,1 paıyz) qurady. Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.
«2013 jylǵy qańtar-mamyrda jalpy elimizde halyq sany 100,8 myń adamǵa nemese 0,6 paıyzǵa, al ótken jylǵy 1 maýsymmen salystyrǵanda 234 myń adamǵa nemese 1,4 paıyzǵa ósti»,-dedi agenttik basshysy.
Aǵymdaǵy jylǵy qańtar-mamyrda respýblıka halqynyń tabıǵı ósimi (2012 j. qańtar-mamyrda - 97 myń adam) 99,2 myń adamdy qurady. Tabıǵı ósimniń jalpy koeffıtsıenti 1000 adamǵa shaqqanda 14,1 (13,9) adamdy qurady.
- 2013 j. qańtar-mamyrda AHAT organdarynda 159,3 myń týylǵandar tirkeldi, bul byltyrǵy sáıkes kezeńimen salystyrǵanda 0,3 paıyzǵa artty. 1000 adamǵa shaqqandaǵy týýdyń jalpy koeffıtsıenti 22,6 týǵandardy qurady.
- Esterińizge sala keteıik, Qazaqstannyń 17 mıllıonynshy turǵyny 2013 jyldyń 16 mamyrynda tirkeldi.
