Qańtar-mamyrda elimizde shıki munaıdy óndirý 2,5 paıyzǵa artsa, ımport 22,9 paıyzǵa tómendegen
ASTANA. 18 shilde. QazAqparat /Qanat Mámetqazyuly/ - 2011 jylǵy qańtar-mamyrynda elimizdegi munaı resýrsynyń kólemi 31029,4 myń tonna qurady.
Kórsetkish 2010 jylǵy tıisti kezeńinen 0,4 paıyzǵa tómen. Bul týraly Statıstıka agenttiginen habarlandy.
Vedomstvo málimetterine qaraǵanda, osyǵan qaramastan, respýblıkada shıki munaıdy óndirý 2,5 paıyzǵa artsa, ımport 22,9 paıyzǵa tómendegen. Shıki munaıdyń kóp bóligi ózge elderge eksportalýda. Esepti kezeńde respýblıkada shıki munaı resýrstarynyń tek 4,2 paıyzy qaıta óńdelgen, 2010 jylǵy qańtar-mamyrda bul kórsetkish 10,1 paıyzdy qurady. Jalpy resýrstardyń kólemindegi shıki munaı eksportynyń úlesi 2010 jylǵy qańtar-mamyrda 89,9 paıyzdan 2011 qańtar-mamyrda 95,8 paıyzǵa deıin joǵarylaǵan.
Budan bólek, Agenttiktiń málimetinshe, 2011 jylǵy qańtar-mamyrda ishki naryqta munaı ónimderin ótkizý kólemi artqan (suıytylǵan propan jáne býtannan basqasy). «Іshki qajettilikti otandyq óndiris tolyq kólemde qamtamasyz ete almaı otyr, sondyqtan munaı ónimderiniń resýrstarynda olardyń ımporty bar. Mysaly, jalpy resýrstardyń kóleminde motor benzıniniń ımporty 27,5 paıyzdy (2010 jylǵy qańtar-mamyrda - 16,1 paıyz) qurady, kerosın - 29,5 paıyz (15,9 paıyz), dızel otyny - 1,3 paıyz (6,5 paıyz) shamasynda boldy», - delingen habarlamada.
