Qańtar- qyrkúıekte turǵyn úılerdi satý-satyp alý boıynsha 124 613 mámile jasaldy
ASTANA. 10 qazan. QazAqparat - 2012 jylǵy qańtar-qyrkúıektegi turǵyn úıdi satý-satyp alý mámileleriniń sany 124 613 qurady.
Bu týraly QR Statıstıka agenttiginiń baspasóz qyzmetinen habarlandy. Agenttik aqparatyna qaraǵanda, 2012 jylǵy qyrkúıekte turǵyn úıdi satyp alý-satýdyń tirkelgen mámileleriniń sany 15 026 qurady. Bul ótken aımen salystyrǵanda 1,3 paıyzǵa az kórsetkish. Degenmen, 2012 jylǵy qańtar-qyrkúıekte turǵyn úıdi satyp alý-satý mámileleriniń sany ótken jylǵy tıisti kezeńmen salystyrǵanda 9,3 paıyzǵa ósken.
Sonymen qatar, málimetterge qaraǵanda, qyrkúıek aıynda turǵyn úıdi satyp alý-satý kelisimderiniń eń kóp kórsetkishi Qaraǵandy oblysynda (1812), Shyǵys Qazaqstan oblysynda (1809), Almaty qalasy (1735) men Astana qalasynda (1645) tirkelgen.
