Qańtar-qyrkúıekte ınflıatsııa 5,6 paıyzdy qurady

ASTANA. QazAqparat - Aǵymdaǵy jyldyń 9 aıynda azyq-túlik taýarlarynyń baǵasy 4,9, azyq-túlik emes taýarlardyń baǵasy 6,8, aqyly qyzmetter baǵasy 5,3 paıyzǵa ósti, dep habarlady QR Ulttyq ekonomıka mınıstrliginen.

Vedomstvo aqparatyna sáıkes jyldyń basynan beri (2016 jylǵy qyrkúıek 2015 jylǵy jeltoqsanǵa) baǵanyń ósýi jarmalarǵa - 32,5, shaıǵa - 25,8, qantqa - 22,4, nanǵa - 16,1, qaıta óńdelgen jáne konservilengen kókónisterge  - 13, kondıterlik ónimderge - 11,9, kúnbaǵys maıyna - 11,8, salqyndatylǵan sýsyndarǵa - 10,8, makaron ónimderine - 10,2, jemis jáne kókónis shyryndaryna  - 9,3, qus etine - 8,7, keptirilgen jemister men jańǵaqtarǵa  - 8,3, toqash jáne unnan daıyndalatyn ónimderge - 7,9 paıyzǵa belgilendi. Baǵanyń tómendeýi jańa jınalǵan kókónisterge - 27,8, jumyrtqaǵa  - 8, shıki sútke - 7,9 paıyzǵa tirkeldi.

Baǵa ósimi farmatsevtıkalyq ónimderge - 14,4, keńse taýarlary men syzý quraldaryna - 12,1, jeke qoldanatyn taýarlarǵa  - 9,3, turmystyq aspaptarǵa  - 9,2, jýǵysh jáne tazalaǵysh quraldarǵa - 8,9, shyny jáne qyshtan jasalǵan ónimderge - 8,3, toqyma buıymdaryna -  7,2, avtomobılderge - 7,1, kıim jáne aıaq kıimge - 6,5 paıyzdy qurady. Dızel otyny 27,3, ballondaǵy suıytylǵan gaz  17,5 paıyzǵa qymbattady.

Baǵa deńgeıi densaýlyq saqtaý qyzmetterine - 8, bilim berý - 6,1, demalys, oıyn-saýyq jáne mádenıet salasynda - 5, meıramhanalar men qonaq úıler  - 4,8, shashtarazdar men jeke qyzmet kórsetý oryndary - 2,9 paıyzǵa ósti. Jolaýshylardyń alys qashyqtyqqa qatynaıtyn temir jol kóligimen jol júrý aqysy - 12,5, áýe kóligine - 11,8, ishki qalalyq qatynastarda avtobýspen  - 8,4 paıyzǵa joǵarylady.

Turǵyn úı-kommýnaldy qyzmetter salasynda tarıfter kárizge - 25,2, sýyq sýǵa - 12,4, qoqys shyǵarýǵa - 11, taratý jelileri arqyly tasymaldanatyn gazǵa - 7,4, ortalyqtan jylytýǵa - 7,3, elektr energııasyna - 6,3, ystyq sýǵa  - 5,1 paıyzǵa ósti.