Qańtar qurbandary týystarynyń ótinishimen Shymkenttiń bas shyrshasy basqa jerge kóshirildi
Shymkent qalasynyń ákimshilik iskerlik ortalyqta ornatylǵan bas shyrshasy buzyldy.
Bul jaıtqa qańtar oqıǵasynda balalary qaıtys bolǵan ata-analardyń ótinishi sebep bolǵan.
Sondyqtan Qarataý aýdanynyń ákimdigi bas shyrshany Naýryz alańyna kóshirý jóninde sheshim qabyldapty.
«Qarataý aýdanynda jańa jyl merekesin atap ótýge 17 mln teńge qaraldy. Munyń ishinde shyrsha qoıý, kóshelerdi bezendirý, kranshteın ornatý sekildi ózge de jumystar kiredi. Byltyrǵy qańtar oqıǵasy kezinde shyrshamyz janyp ketti. Sondyqtan bıyl jańasyn alyp otyrmyz. Qarataý aýdanynda ornatylatyn shyrshanyń bıiktigi 20 metrge jýyq bolady. Qazir shyrshany ornatý jumystary júrip jatyr» - dedi Qarataý aýdany ákiminiń orynbasary Azamat Parmanov.
Al, keshegi kúni «Qııal álemi» saıabaǵynyń aldynda ál-Farabı aýdanyna qarasty jańa jyldyq shyrshanyń shamy jaǵyldy.
Onyń aýmaǵyna 30-ǵa jýyq jańajyldyq shaǵyn sáýlet músinderi ornatyldy.
Aıta keteıik, jańa jyldy atap ótýge Shymkent qalasyndaǵy 4 aýdanǵa qarjy bólek-bólek qaralǵan.
Keı aqparat kózderiniń jazýynsha, jalpy kólemi 40 mln jýyq qarjy jumsalmaq.
Foto: Shymkent qalasy Qarataý aýdanynyń ákimdigi
