Qańtar-qazandaǵy bólshek saýda kólemi ótken jylmen salystyrǵanda 12,8 paıyzǵa joǵarylady
ASTANA. 15 qarasha. QazAqparat - 2012 jylǵy qańtar-qazandaǵy bólshek saýda kólemi ótken jylǵy tıisti kezeńmen salystyrǵanda 12,8 paıyzǵa joǵarylap, 3 390,7 mlrd.teńgege jetti.
QR Statıstıka agenttiginiń málimetinshe, 2012 jylǵy qańtar-qazanda saýda kásiporyndary arqyly taýarlardy ótkizý kólemi 1 705,9 mlrd.teńgeni qurady nemese 2011 jylǵy qańtar-qazanǵa qaraǵanda 10,7 paıyzǵa artyq.
2012 jylǵy qańtar-qazanda bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda 15 paıyzǵa joǵarylady, atalǵan ótkizý arnasynyń úlesi bólshek saýdanyń jalpy kóleminde 49,7 paıyzdy qurady.
Bólshek saýda qurylymynda azyq-túlik emes taýarlar basym (bólshek saýdanyń jalpy kólemine 63,6%). Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 11,9 paıyzǵa, azyq-túlik taýarlar - 14,3 paıyzǵa ulǵaıdy.
