Qańtar-qazanda bólshek saýda kólemi 12,7 paıyzǵa joǵarylap, 2 881,9 mlrd.teńgege jetti
ASTANA. 12 qarasha. QazAqparat - 2011 jylǵy qańtar-qazanda bólshek saýda kólemi ótken jylǵy tıisti kezeńmen salystyrǵanda 12,7 paıyzǵa joǵarylap, 2 881,9 mlrd.teńgege jetti, dep habarlady QR Statıstıka agenttiginiń baspasóz qyzmetinen.
Vedomstvonyń atap ótýinshe, aǵymdaǵy jylǵy qazanda 2010 jylǵy qazanmen salystyrǵanda taýarlardy bólshek saýdada ótkizý kólemi 12,7 paıyzǵa joǵarylady. 2011 jylǵy qańtar-qazanda saýda kásiporyndary arqyly taýarlardy ótkizý kólemi 2010 jylǵy qańtar-qazanǵa qaraǵanda 1 477,6 mlrd.teńgeni qurady nemese 6,3 paıyzǵa artty.
2011 jylǵy qańtar-qazanda bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda 20,5 paıyzǵa ósti. Atalǵan ótkizý arnasynyń úlesi bólshek saýdanyń jalpy kóleminde 48,7 paıyzdy qurady.
«Bólshek saýda qurylymynda azyq-túlik emes taýarlar basym (bólshek saýdanyń jalpy kólemine 63,7%). Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 11,3, azyq-túlik taýarlar 15,7 paıyzǵa ulǵaıdy», - delingen habarlamada.
