Qańtar qasireti: 270 adamǵa kúzetpen ustaýǵa baılanysty emes bultartpaý is-sharasy qoldanyldy

NUR-SULTAN. QazAqparat – 270 adamǵa kúzetpen ustaýǵa baılanysty emes bultartpaý is-sharasy qoldanyldy. Bul týraly QR Qylmystyq-atqarý júıesi komıteti tóraǵasynyń orynbasary Meıram Aıýbaev aıtty, dep habarlaıdy QazAqparat tilshisi.

Onyń atap ótýinshe, qańtar oqıǵasyna qatysty aýyr jáne asa aýyr qylmystar jasaǵany úshin aıyptalǵan adamdar ǵana tergeý ızolıatoryna qamalǵan

«Tergeý jáne prokýratýranyń bastamasymen sottar kúdiktilerdiń jasaǵan qylmysyn, jeke basyn, jasyn eskere otyryp, 270 adamǵa kúzetpen ustaýǵa baılanysty emes bultartpaý is-sharalaryn qoldandy. Ol: úıqamaq, eshqaıda ketpeý týraly qolhat. Bul nátıje tergeý jáne prokýratýra organdarynyń qylmystyq ister materıaldaryn muqııat zertteýi barysynda múmkin boldy. Zańdy saqtaýdy jáne adamdar quqyqtarynyń qorǵalýyn tek qylmystyq isterdi tergegende ǵana emes, qamaýda ustaý jaǵdaılaryna qatysty da qamtamasyz etý óte mańyzdy», - dedi tóraǵa orynbasary Іshki ister mınıstrliginiń baspasóz qyzmeti alańynda ótken brıfıngide.