Qańtar-qarasha aralyǵynda elimizdegi bólshek saýda 12,5 paıyzǵa joǵarylady
ASTANA. 20 jeltoqsan. QazAqparat /Qanat Mámetqazyuly/ - 2011 jylǵy qańtar-qarashada elimizdegi bólshek saýda kólemi ótken jylǵy tıisti kezeńmen salystyrǵanda 12,5 paıyzǵa joǵarylap, 3 238,2 mlrd.teńgege jetti.
Bul týraly Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, aǵymdaǵy jylǵy qarashada 2010 jylǵy qarashamen salystyrǵanda taýarlardy bólshek saýdada ótkizý kólemi 11,1paıyzǵa joǵarylady. Sonymen qatar, 2011 jylǵy qańtar-qarashada saýda kásiporyndary arqyly taýarlardy ótkizý kólemi 2010 jylǵy qańtar-qarashaǵa qaraǵanda 1 655,2 mlrd.teńgeni qurady nemese bul kórsetkish 6,2 paıyzǵa artyq. 2011 jylǵy qańtar-qarashada bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda 20,1 paıyzǵa joǵarylady, atalǵan ótkizý arnasynyń úlesi bólshek saýdanyń jalpy kóleminde 48,9 paıyzdy qurady.
Bólshek saýda qurylymynda azyq-túlik emes taýarlar basym, bul bólshek saýdanyń jalpy kólemine 63,8 paıyzdy quraıdy. Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 11,1 paıyzǵa, azyq-túlik taýarlar - 15,6 paıyzǵa ulǵaıǵan.
