Qańtar aıyndaǵy jaǵdaı: 8,5 mln. qazaqstandyqtyń jumysy bar
ASTANA. 12 aqpan. QazAqparat - 2013 jylǵy qańtardaǵy (baǵalaý boıynsha) jaǵdaı boıynsha, respýblıka ekonomıkasynda 8,5 mln. adam jumyspen qamtyldy.
Ótken jyldyń sáıkes kezeńimen salystyrǵanda bul 57,0 myń adamǵa nemese 0,7%-ǵa kóp. Jaldamaly qyzmetkerlerdiń sany atalǵan kezeńde 5,8 mln. adamdy (jumyspen qamtylǵandardyń jalpy sanynyń 68,8%) qurady. Bul týraly QR Statıstıka agenttiginen málim etti.
2013 jylǵy qańtarda jumyssyzdar sany, baǵalaý boıynsha 488,1 myń adamdy, (jumyssyzdyq deńgeıi 5,4%) qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2013 jylǵy qańtar aıynyń sońyna deıin 47,9 myń adam («Jumyspen qamtý-2020» baǵdarlamasyna qatysatyndardy esepke almaǵanda) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,5%-yn qurady (2012 jyldyń qańtarynda - 0,5%).
Sondaı-aq jyldyń alǵashqy aıynda jasyryn jumyssyzdyq deńgeıi ekonomıkalyq turǵydan belsendi halyqtyń 0,4%-yn qurady.
