Qańtar aıyndaǵy UBT: Bes talapker 139 ball jınaǵan
«Qańtar aıyndaǵy testileýdi 123 myńǵa jýyq adam tapsyrdy. Olardyń ishinde JOO-ǵa shartty negizde qabyldanǵandar, shyǵarmashylyqtan basqa daıyndyq baǵyttaryna, pedagogıkalyq baǵytqa aqyly negizde aýysqysy keletinder, sondaı-aq mektep bitiretin túlekter bar. Talapkerlerdiń 95 myńy (77%) qazaq tilinde, 28 myńy (23%) orys tilinde, 91 adam aǵylshyn tilinde tapsyrdy. Qańtar testileýine erekshe oqý qajettilikteri bar 274 bala qatysty», - dedi Ulttyq testileý ortalyǵynyń dırektory Rýslan Emelbaev Ortalyq kommýnıkatsııalar qyzmetinde.
Testileý qorytyndysy boıynsha 102 myńǵa jýyq talapker shekti ball (50) jınady, bul qatysýshylardyń jalpy sanynyń 83%-yn quraıdy. Al 21 myńnan astamy (17%) shekti ball jınaı almady.
«Jalpy UBT ortasha baly 76 baldy qurady. Eń joǵary ball – 139, oǵan Qazaqstan boıynsha 5 talapker qol jetkizgen. UBT aıaqtalǵan soń, postmonıtorıng júrgiziledi, 31 jeltoqsonǵa deıin barlyq beınejazbaǵa taldaý jasaımyz. Eger tyıym salynǵan zattardy paıdalaný faktileri anyqtalsa, sertıfıkat joıylady», - dep eskertti spıker.
Talapkerlerdiń tańdaýyna kelsek, kósh basynda matematıka-fızıka kombınatsııasy (19,2%) tur, odan keıin 18,6% - bıologııa-hımııa, 10,2% - shyǵarmashylyq jáne 10% - jańadan qosylǵan matematıka-ınformatıka kombınatsııasyn tapsyrǵan.
