Qańtar aıynda teńgeniń AQSh dollaryna qatysty baǵamy nyǵaıa tústi

Eger aıdyń basynda dollar 147,17 teńge bolsa, aıdyń sońynda onyń quny 146,87 teńgeni qurady.

Esterińizge sala keteıik, 12 qańtarda dollar baǵamy 147,39 teńgege jetti - bul ótken aıdaǵy eń joǵary kórsetkish. Biraq ta osydan keıin teńgeniń baǵamy nyǵaıa túsip, qańtardyń ekinshi onkúndiginde dollar 146,89 teńgege teń boldy. Al bir aptadan keıin dollardyń baǵamy aılyq mınımýmǵa jetip, 146,78 teńgege bir-aq tústi.

Ulttyq bank tóraǵasy Grıgorıı Marchenko qańtar aıynda baspasóz máslıhatynda sóılegen sózinde, Qazaqstanda devalvatsııa bolmaıtynyn málim etken bolatyn. Bas bankırdiń aıtýynsha, 2010 jyly valıýta naryǵyndaǵy jaǵdaı turaqty boldy. Atap aıtqanda, ótken jyldyń 12 aıynda teńgeniń bırjadaǵy ortasha aıyrbas baǵamy 147,34 teńgeni quraǵan. Al jyldyń sońyna qaraı bırja baǵamy 147,50 teńge bolǵan. Jyldyń basynan beri teńgeniń dollarǵa qatysty baǵamy 0,6 paıyzǵa nyǵaıǵan.