Qańtar aıynda kópbalaly otbasylar 33,1 mlrd teńge járdemaqy aldy

ASTANA. QazAqparat - Aǵymdaǵy jylǵy qańtar aıynda kópbalaly otbasylarǵa beriletin memlekettik járdemaqy 532,6 myń otbasyna 33,1 mlrd teńge mólsherinde járdemaqy tólendi, dep habarlaıdy QazAqparat.

Bul memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.

Eńbek jáne halyqty áleýmettik qorǵaý mınıstrliginiń málimetinshe, tólem mólsheri bala sanyna qaraı eseptelip tólenedi. Kópbalaly otbasylardaǵy:

- 4 balasy bar otbasylarǵy – 16,03 AEK nemese 55 304 teńge;

- 5 balaǵa – 20,04 AEK nemese 69 138 teńge;

- 6 balaǵa – 24,05 AEK nemese 82 973 teńge;

- 7 balaǵa – 28,06 AEK nemese 96 807 teńge;

- 8 jáne odan da kóp balasy bar otbasylarǵa – ár balaǵa 4 AEK nemese 130 800 teńge mólsherinde.

Eske salaıyq, kópbalaly otbasylarǵa olardyń tabysyn esepke almaı beriletin memlekettik járdemaqy Qazaqstanda 2020 jyldyń 1 qańtarynan bastap ataýly áleýmettik kómek kórsetýdiń jańa tetikterinde kózdelgen tabysy az jáne kópbalaly otbasylardy qoldaýdyń úsh negizgi baǵyty aıasynda engizilgen.

2023 jylǵy 1 qańtardan bastap balaly otbasylarǵa taǵaıyndalatyn memlekettik járdemaqylardyń mólsheri 8,5%-ǵa artqanyn atap ótemiz.