Qańtar aıynda Qazaqstanda benzın óndirý 3,5 paıyzǵa artty
ASTANA. QazAqparat - 2015 jyldyń qańtar aıynda elimizde 213,1 myń tonna benzın óndirildi. Bul 2014 jyldyń qańtaryna qaraǵanda 3,5 paıyzǵa joǵary kórsetkish.
Ulttyq ekonomıka mınıstrligi Statıstıka komıtetiniń málimetine qaraǵanda, ótken aıda dızeldik otyn óndirý 0,4 paıyzǵa tómendep, 354,4 myń tonnany qurasa, mazýt óndirisi 280,6 myń tonnaǵa jetken. «2015 jyldyń qańtarynda Qazaqstanda óndirilgen shıki munaı 5,743 mln tonnany qurady, bul kórsetkish 2014 jylmen salystyrǵanda sáıkesinshe 2,4 paıyzǵa az. Al gaz kondensaty 1,114 mln tonnany qurady, bul byltyrǵy jylmen salystyrǵanda 4,1 paıyzǵa artyq. Sonyń ishinde tabıǵı gaz óndirý 2 mlrd tekshe metrdi qurap, ósim 10,3 paıyzǵa jetken. Al munaıdyń ilespe gazyn óndirý esepti kezeńde 2, 083 mlrd tekshe metrge teń bolyp, kórsetkish byltyrǵyǵa 10,2 paıyzǵa artty», - delingen baspasóz baıanynda.
