Qańtar aıynda Qazaqstanda 2,1 trln teńge aınalymda boldy

ASTANA. QazAqparat - Qazaqstanda 2019 jyldyń qańtar aıynda qolma-qol aqsha aınalymy kólemi ótken aıdaǵy kórsetkishten 4% qysqaryp, 2,17 trln teńgeni qurady, dep habarlaıdy QazAqparat tilshisi QR Ulttyq bankine silteme jasap.

Ulttyq banktiń aqparatyna súıensek, ótken aıda qolma-qol aqshalardy, lıkvıdti teńge depozıtterin qamtıtyn M1 aqsha agregaty 14,4% ósip, ıaǵnı 6,412 trln teńgeni quraǵan. Qolma-qol aqshalardy, lıkvıdti teńge depozıtterin, lıkvıdti valıýtalyq depozıtterdiń barlyǵyn qamtıtyn M2 ındıkatory 9,5% artyp, 15,842 trln teńgege jetti.

Aqsha massasy 2,9% artyp, 21,412 trln teńge boldy. Aqsha bazasy nemese QR Ulttyq bankiniń aqshalary bıyl qańtar aıynda 5% kóbeıip, 6,983 trln teńgege jetti. Qysqasha túsinik boıynsha, aqsha bazasy 7,6%, ıaǵnı 6,452 trln teńgege deıin artty.

Ekinshi deńgeıli bankter jáne basqa da uıymdardyń QR Ulttyq bankindegi depozıtteriniń kólemi 11,9%, ıaǵnı 4,512 trln teńgege deıin kóbeıdi.