Qańtar aıynda halyqtyń jan basyna shaqqandaǵy ortasha ataýly aqshalaı tabysy 35 myń 251 teńgeni qurady

Bul týraly búgin Astanada baspasóz máslhatynda QR Statıstıka agenttiginiń tóraǵasy Álıhan Smaıylov aıtty, dep habarlaıdy QazAqparat.

Onyń sózine qaraǵanda, 2009 jyldyń qańtarymen salystyrǵanda ósim ataýly aqshalaı tabystar boıynsha 11,0 paıyzdy, al naqty aqshalaı tabystar boıynsha 3,5 paıyzdy qurady. «2010 jylǵy qańtarda qyzmetkerlerge eseptelgen ortasha aılyq ataýly jalaqy 66 myń 674 teńgeni qurady. 2009 jylǵy qańtarmen salystyrǵanda ósim 8,6 paıyz boldy», dedi ol.